Habeenimadii  Khamiiseed ee bisha sebtambar ahayad 23 kuna beegnayd 14 bisha Shiwaal ayuu Ugaas Mustafa Maxamed Ibraahim ku aqal galay magaalada Diridhabe ee da lka Itoobiya, Xaflad aad u balaadhan ayaa munaasabaddaa darteed lagu qabtay fagaare aad u wayn oo ciyaaraha loogu tala galay , waxana halkaa lagu soo ban dhigay ciyaaro dhaqameed , heeso ,gabayo aad loogu bogay .

Habeenkii isniinta ee bisha Ramadan 14 ahayd , tasoo ku begaan sannad kadiib wakhtigii la qabtey Ogaaska Ciisaha , waxa ka dhacay magaalada madaxda Diri-Dhabee , Arooskii Ugaaska 19aad , Ogaas Mustapha Mohamed Ibrahim , oo loo donay Hoyoo Casha Cabaadeh Cabdi Jibriil.

Arooska Ugaasku waxa uu ka koobna un doonis iyo meher, aqal-galku waxa uu noqoondona sida lagu wado bisha shuwaalka dhexdiisa . Gabadhana waxa lagu doonay magaca 12ka aqal ee qabiilka Ciisaha . Waxana munasibadaas kasoo qaybqatay dad badan oo Ciisaha iyo marti sharaf farabadaan aw ka miid ahayeen madax-dhaqameedka beelaha Somaliyeed iyo qowmiyadaha kalee  Ethiopia , Oromada , Adarida ,Tigreega iyo Amxaarda.Xafladdaana waxa qabanqaabiyey 13ka oday ee la shaqeeya ugaaska iyo guuddigii dhallinyarada ahayd ee marka hore qabanqaabisay xuliddi Ugaaska . Waxa kale oo qayb libaax ka qaatay dhallinyarada reer Dire-Dhaba iyo reer Jabuutii oo kala ahaa qayb u timiday arooska iyo qaar halkaas sii jogay oo so xagaabaxay . Hirgaliinta xafladdasii oo aad u weyneyd waxa kale oo gacan ka geystay ismaamulka Diri-Dhabe oo 3 guuddi isku qeybiyay .

Caleemasaarkii Ogaas Mustafe Maxamad Ibrahim

Subaxnimadii 01/03/10  ahaydna Caleema saarka Ogaaska ayaa Ogaaska loo Dhaqaajiyey hawlihii Caleema saarka waxana lagu horaysiiyey Badda oo loogu maydhayey Ogaaska kabna   waxa la geeyey  Maqaamka Sheekh Ibraahim Saylici  oo loogu xidhay Cimaamadii , kadib waxa Ogaaska lagu soo celiyey goobtii uu ka degenaa Saylac halkaa oo loo diyaarinayey  xafladda Caleema saarka. Xafladda rasmiga ah ee ka dhacaysay Shiiraca wayn  ayaa waxa ku sii qulqulayey dada aad u fara badan oo lagu marti qaaday waxana ay ka koobnaayeen dadkaasi Suldaano  , Hogaamiye dhaqameedyo , Wasiiro , Xildhibaano  iyo Marti sharaf ka socotay Saddex geesoodka  Itoobiya , Jabuuti iyo Somaliland. Sida oo kale waxa halkaa goob joog ka ahaa Raiisal wasaaraha  Jabuuti  mudane  Dalayta Maxamed Dalayta  oo ku yimid halkaasi  Diyaarad kuwa qumaatiga u kaca ah . Markii uu soo gadhay Raiisal wasaaraha Jabuuti goobta Caleema saarka  ayaa laga soo galbiyey  Ogaaska  goobtii uu degenaa  waxana la fadhiisiyey kursi gaar ah oo loo diyaariyey , waxana lagu furay xaflada Aayado Quraan ah. Ka dib waxa  hadalka qaatay Gudoomiyaha Gandaha Xaaji Rooble oo tilmaamay Ahmiyada munaasabada  waxana uu Cadeeyey in uu Ogaaskani yahay Ogaaskii Ciisaha oo la caleema saarayo  isla markaana uu yahay Ogaas Nabadeed  isku xidhaya Ummadaha Geeskan afrika. Intaa ka dib waxa  la bilaabaya Duco ay iska daba mareen Duqayti matalaysa   Lixdii Aqal ee Ciise taas  oo ogaaska loogu Duceeyey . Waxa intaa ka dib   la saaray Ogaaska Cimaamadii Ogaasnimada  halkaas oo lagu soo gabagabeeyey  hab dhaqameedkii Ogaasnimada . Waxana intaa ka dib la bilaabay Damaashaadkii iyada oo halkaa laga bilaabay Heesta  layaabka leh ee dadka Shucuurtooda wada kicisay ee uu halabuurkeeda lahaa Abaan Cumar kuula halku dhageeduna ahaa {Ogaas Roobloow Rayadaadaa Reerka gaadhee  Ogaas Roobloow lagugu reeyee}