Habeenkii isniinta ee bisha Ramadan 14 ahayd , tasoo ku begaan sannad kadiib wakhtigii la qabtey Ogaaska Ciisaha , waxa ka dhacay magaalada madaxda Diri-Dhabee , Arooskii Ugaaska 19aad , Ogaas Mustapha Mohamed Ibrahim , oo loo donay Hoyoo Casha Cabaadeh Cabdi Jibriil.

Arooska Ugaasku waxa uu ka koobna un doonis iyo meher, aqal-galku waxa uu noqoondona sida lagu wado bisha shuwaalka dhexdiisa . Gabadhana waxa lagu doonay magaca 12ka aqal ee qabiilka Ciisaha . Waxana munasibadaas kasoo qaybqatay dad badan oo Ciisaha iyo marti sharaf farabadaan aw ka miid ahayeen madax-dhaqameedka beelaha Somaliyeed iyo qowmiyadaha kalee  Ethiopia , Oromada , Adarida ,Tigreega iyo Amxaarda.Xafladdaana waxa qabanqaabiyey 13ka oday ee la shaqeeya ugaaska iyo guuddigii dhallinyarada ahayd ee marka hore qabanqaabisay xuliddi Ugaaska . Waxa kale oo qayb libaax ka qaatay dhallinyarada reer Dire-Dhaba iyo reer Jabuutii oo kala ahaa qayb u timiday arooska iyo qaar halkaas sii jogay oo so xagaabaxay . Hirgaliinta xafladdasii oo aad u weyneyd waxa kale oo gacan ka geystay ismaamulka Diri-Dhabe oo 3 guuddi isku qeybiyay .

Jaaliyada Cisse ee london degeen oo xaflad aad u qurux badan u qabaqaabisay Ogaas Mustafe. Diyaarinta isku duba riddida reer uk waxaay ahayd mid aan u qushuucnay.axaddii 25 bisha avril baay bilaabantay xafladdii qarniga ee ugaas mustafa lagu maamuusaayey.5tii galabnimo saacadda uk baa la furey halka xafladda ee xaafada heatrow waxaa lagu bilaabay aayaddo quraanka kariimka ah,waxaa ku xigey xadiis iyo ducooyin.waxaa ku xigey marti sharaf ka soocday dhamaan bulshadda soomaaliyeed iyo canfarta walaalaheen ah.soomaalidda la casuumey waxaa ka mid ahaa.beelaha samaroonka,issaqa. daarood, hawiyeh, banaadiriga, dirka digirle iyo mirifle.mid walba ugaas mustafe u  u duceeyey. Dhamaan daadki kaso qaybgalay habenka sharaftaaleh waxay tahniyaad u soo jediyen Ogaas Mustafe. Waxayna kuu boggadiyeen inu Ogaas Mustafe illahay caafimad iyo cimridhaarar siyo una xeelka la sarayna u fudaydiyo. Halka waxay isla dhigeene inu ogaas Mustafe yahay Ogaas soomaaliyed waxayna kaa codsaadeen inu is kuhawlo dib u heshiisinta beelaha soomaaliyed iyo madax dhaqameedkooda. Waxaa ku xigey qeeybta suugaanta oo lagu furey fanaanada  waweeyn ee soomaaliyeed , faadumo ahmed dhanbiil oo qaaday geraar cajiib ah iyo gabayagi Farax cuteh.

.waxaa lugu soo xidhay heeso iyo ciyaarahii hiddaha iyo dhaqanka aha.

Halkan ka daawo xafladdii london

Beesha Ciise ayaa isku raacday kadib markii ay yeesheen shirar kaladuwan in labaddilo dhammaan 12kii oday ee uu fadhigoogu ahaa Aqalkii Ugaas Xasan Xirsi (Alla ha unaxariistee) oo kuwa cusub ladoorto.

Gudigan ayaa matala Ciisaha oo dhan maadaama oo laga soodoortay dhammaan aqallada Ciisaha: Gudigan waxyaabaha uu kashaqayndoono waxaa kamid ah Nabadda, midnimada,Horumarka guud iyo ilaalinta Xeerka Ciisaha. Gudigan oo looyaqaano 12ka oday ayay tiradiisu tahay 13 oday.

Odayada cusub nidaamka loo soo doortay ayaa ahaa nidaam cid walliba raalli galinayay.Lixda Aqal ee ay Beeshu ka koobantahay ayaa Aqalwalba laga dalbay in aw laba oday iska soo xulo. Hase ahaatee reerka Ceeleye waxaa laga soo xulay saddex oday sababta odayga dheeraadka ah loo siiyayna waxay tahay curadnimo.

Kadibna waxaa xubnihii lasooxulay lagusoo bandhigay fadhi uu Ciisuhu udhanyahay. waxaana laxulay odayadii si buuxda laiskugu raacay. kadibna waxaa iyaga oo lagalbinayo loo geeyay Ugaas Mustafe  Maxammad Ibraahin.

Taariikhdu markay ahayd 17/5/2010 ayaa xubnaha cusub xaflad loogo qabtay aqalka Ugaaska. Munaasabaddaas ayaa loogu talagalay in odayada cusub dadka lagubaro dardaaranna loogujeediyo looguna duceeyo in uu Ilaahay laqabto masuuliyadda lasaaray. waxaana xafladdaas lagu soobandhigay ciyaaro dhaqameed lagu soodhawaynayay xubnaha cusub.

Gabeygan oo la magac baxay Sir-maqabe waxaa tiriyey Abwaan: Ismaaciil Yuusuf Cabdi(Jiheeye), Waana gabey loo tiriyey, looguna Ducaynaayo Ugaaska Beesha Ciise, Ugaas Mustafe Maxamed Ibraahim, oo ah Ugaas da’yar oo Beeshiisu mudo badan samir ku naawileysey. Waxaanu fikirka Gabeygani soo baxay 08/03/2010, Xiligaas oo ku beegneyd markii Beesha Isaaq ku Casuumeen Ugaaska Magaalada Djibouti.

Wuxuu Yidhi:

Tusmo  sugan sareediyo odhaah, sa iyo waw reeban,

Ma samaynin Caliyooy baryahan, sadaradeediiye,

Ka sal-kacay hadaan Jaamacoow, siiqadeyn jiraye,

Tixdan caawa saanyadey murtidan, siinka ka abaarey,

Beesha Soomaaliyeed ee Absamaha ayaa maalintii. Axadda(25/04/2010) diyaarisay Hadhimo-Sharaf ay ugu tala galeen Ogaaska 19aad ee Ciisaha.
Beesha Soomaaliyeed ee Absamaha ee ku dhaqan magaalada Diridhaba ayaa Huteelka Samrat kuu qabatay qada sharafeed ay ugu tala galeen Ogaaska  Ciisaha  Ogaas Mustafe Maxamad Ibraahim.

Beeshu waxa ay sheegtay in ujeedada ay munaasabaddan udiyaariyeeni ay tahay sidii loo xoojin lahaa walaaltinimada ummadda Soomaaliyeed iyo midnimadooda iyo waliba sidii ay ummadda Soomaaliyeed ay dhaqankeeda usoo noolayn lahayd iyada oo ku tusaale qaadanaysa sida ay Ciisuhu ugu fara adaygeen dhaqanka iyo hannaanka Ugaasnimada.

waxaana munaasabaddaas hadalo kajeediyay suldaan C/Raxmaan Duulane,Ogaas maxammad Cumar,suldaan Maxammad Sheekh Xasan iyo Ogaas Maxammad Xasan ooah Ogaaska Beesha Gurguraha.waxayna dhammaan Ummadda Soomaaliyeed ugu hanbalyeeyeen Ogaaska cusub ee laboqray Ogaas Mustafe Maxammad Ibraahim.iyaga oo sheegay in uu soomaali oo dhan Ogaas uu yahay.Waxayna sheegeen in ay aad ugu farxeen soonoolaynta ay Ciisuhu soo noolaysay dhaqankii Soomaaliyeed loona baahan yahay in ay Beelaha kaliina arrintaas kaga daydaan.Waxayna tilmaameen in ay Soomaali meelkasta oo ay joogto la socotay marxalad kasta oo ay maraysay Ogaas qabashadu maadaama loo arkayay arrin Soomaali oo dhan khusaysa.Waxayna Ogaaska Alla uga baryeen in uu kadhigo mid raaga laguna reeyo.

Iyadoo laga joogo mudo afartan maalmood ah  caleema saarkii ugaas mustafe maxamad ibraahim ee magaalada saylac iyaa lagu qabtay magaalada diri dhabe ee dalka itoobiya xaflad balaadhan  oo ay soo qabanqaabiyeen maamulka magaaladaas iyo gudigii ugaas qabashada  bishii abril 10 kdii waxayna ka dhacday dugsiga sare ee ugaas xasan xirsi.Xafladaa oo bilaabantay 10 kii subaxnimo  waxaa ka soo qayb galay marti sharafeed aad u badan oo kakala   yimid  itoobiya, dalka jabuuti iyo soomaaliland.

Xaflada oo si heer sare ah loo soo agaasimay  waxaa lagu soo dhaweeyay martisharafta ciyaaro hido iyo dhaqan ah  waxaa kale oo madasha soodhawaynta xaflada ka muuqday  caruur aad u badan oo heeso soodhawayn ah ku qaadayay jawigana aad u qurxiyay.

Saacadu markay ahayd 10 kii subaxnimo ayaa  madasha xaflada  uu soo galay Ugaasku.

Kadib waxaa si rasmi ah u furay M  MAXAMAD MACALIN oo ah gudoomiyaha gudiga ugaas qabashada wuxuuna ka jeediyay hadal furitaan ah  macna balaadhana ka bixiyay  marxaladihii ay soo martay hawsha qabashada Ugaasku  wuxuuna aad ugu mahad naqay dhamaan qaybihii dadaalka ka gaystay hawshaas iyada ah, kadibna wuxuu u rajeeyay Ugaasku unuu noqdo mid buuxiya xilka laga sugaayo  sida nabada ,  wadanoolaashaha  iwm.

Dabadeed  waxaa hadaka qaatay madaxa magaalada diri dhabe mudane  AADAN FAARAX  oo isna hadal balaadhan oo soo dhawayn ah  halkaa ka jeediyay. Madaxda kala duwan  ee halkaa ka hadashay waxaa ka mid  ahaa. Madaxwaynaha kililka soomaalida ee itoobiya mudane DAAUUD MAXAMAD CALI.

Ka dib markii ay u soo dhamaatay Ogaaska hawshii caleema saarku ee ka dhacday magaalada Saylac ,waxa uu ku sugnaa mudo laba toddobaada magaala madaxada dalka jabuuti ee Jabuuti halkaas oo ay ku soo qulqulqyeen dad aad u badan oo ogaaska soo booqanayey .
Munaasabad hadhimo Sharafeed ah ayaa loo sameeyey Ogaas Mutafe iyo Gandihii la socday.
Munaasabada oo ka dhacaday sabadka Madaxtooyada ayaa ahayd mid uu ku marti qaday Madaxwaynaha Jabuuti Mudane Ismaaciil Cumar Geele Ogaaska Ciise iyo Wafdigii wahelinayey waxana ka soo qayb galay xubno ka tirsan golaha xukumada iyo baarlamanka wafdika socda dalka itoobiya oo uu hogaminayey wasiirka dhaqanka iyo dalxiiska mudane Maxamuud dirir suldaanka Tojora , Suldaanka gooba cad iyo suldaanada iyo hogamiye dhaqameedyada beelha Jabuuti degan sida oo kale waxa ka soo qayb galay dadwayne aad u fara badan oo iyagana lagu marti qaaday.

Malinttii Isniintii ee 15/03/10 ayuu Ogaasku Bilaabay Sodaalkiisii uu ugu baxay dalka Itoobiya waxana sii sabootiyey xubno ka tirsan Xukuumada jabuuti iyo dadwane aad u tiro badan kuwaas oo hereero tagnaa jidka uu Ogaasku sii marayey.

Markii uu Ogaasku Gaadhay 12 Duhurnimo Magaalada Ayshaca oo Ahayd Goobtii ugu Horaysay ee uu ku hakado waxa uu booqday maqaamka Sheekh muusa ee ku yaala magaalada Ayshaca halkaas oo loogu duceeyey Ogaaska.

Heeskan waxa uu ka tirsan tyahay kuwii ugu horreeyay ee laga soo diray dibadda. Midhaha iyo laxanka waxa curiyay Cabdilxakiim Cabdillaahi Faarax, codka na waxa leh Cabdi Geelle. Labadu ba, waxa ay deggan yihiin USA. Dhegeysi wacan.

Adobe Flash Player non installé ou plus vieux que 9.0.115!

Dadka deegaanka Beyo Cadey oo ay ka muuqatay farxad  ayaa ku tilmaamay booqashada Ogaaska mid Taariikhi ah oo lama ilaawaan ah laguna qori doona  baal dahaba .

Ka dib Ogaasku waxa uu galay Socdaalkii isku  diyaarinta Caleema saarka kaas oo ka Dhacayeye Saylac , waxana uu u soo gudbay Magaalada Jabuuti oo ahayd marinka uu u sii marayey goob dhaqameedka Ogaas lagu boqar oo u dhaw Tuulada Tokhoshi.

Markii uu Ogaasku Gaadhay  duhurnimadii 28/02/10 ayaa Ogaaska lagaga xiiray Timihi goob dhaqameedka  Ogaas lagu boqor ama geed ogaas, sacadu markay aahayd 2.00 labadi galabnimo waxaana ka qaybgalay xaflada xiriitan ka sideed (8) oday oo ka tirsan odayasha rerka ciise.

Waxaanaa ogaaska loguxiiray geed hostii geed ka soo ahaa , geed u walii nabur kudhicin. Timihii ugaska laga xiray waxaaloodhibay oday katirsan odayasha ciisaha kadib ogaaska iyo waftigii lasocday waxaalasiiyay casumadii qaadaada halkasoo logu ciyaray ogaaska ciyarta wilwilaha ee dhaqanka u aha ciisaha.

Labadi iyo badhki galabnimo ayu Ogaasku kabaxay ogaas logu-xiir wuxunaa ugudbay magalada Toqoshii mel ujirta 10 Km oo ay odayaasha Somaliyeed kusoo dhaweyeen, halkaas kadib oo u uga gudbay Magaalada saylac oo u hoyday isla habeenkaas .

Ka dib  markii u ka soo gudbay Ogaas Mustafe iyo wafdigii  wehelinayey  xuuduuda jabuuti waxa ay soo gaadheen tuulada Galiile  ee Gobolka  cali sabiix  halkaas oo ay heegan ku ahaayeen dadwayne aad u badan oo soo dhawaynayey  Ogaaska.

Tuulada Galiile oo ay hadheeyeen dad aad u tiro badan oo ka koobnaa Caruur iyo Cirooleba sida ookale waxa halkaa  laga dareemayey shucuurta dadka oo ahayd mid aad u saraysa iyaga oo mudo badan u haraadnaa booqashada Ogaaska.

Markii Ogaaska si fiican loogu soo dhaweeyey Galiile , waxa uu uga gudbay Magaalada  Cali Sabiix oo ahayd  marinka uu uga sii talaabayey  goob dhaqameedka Dhanaan .

Intii uu Ogaaska iyo wafdigiisu ku sii jeedeen Dhanaan waxa tunaa labada dacal ee dariiqa dad aad u tiro badnaa  oo ku dhawaaqayey hadalo soo dhawayna isla markaana lulayey caleemo qoyan , mid ka mid ah dadkaa  ayaa dariiqa  la taagnaa  Sibraar Caano ku jiraan oo uu ugu tala galay Ogaaska , waxana u gudoomay  hadiyadaa Ogaaska  maamulka qabanqaabada Ogaaska .

Hadaba markii uu gaadhay wafdiga Ogaasku Dhanaan waxa ku soo dhaweeyey Cuqaashii iyo dadwaynihii deegaanka oo diyaar u ahaa marti galinta Ogaaska iyo wafdigiisa ,halkaasna waxa loogu sameeyey  qado sharafeed .

Manaasabada booqashada Dhanaan oo ku soo beegantay  xuskii dhalashadii Nabigiigeena  {NNKH]  ayaa fursad qaaliya u noqotay deegaanka Dhanaan in ay la wadaagaan Ogaaska  xuskaasi.

halkaana waxa habeenkii lagu Xusay Taariikhdii nabi Maxamed {NNKH]

Ka dib Ogaaska iyo wafdigii la socday waxay u gudbeen goob dhaqameedka Beyo Caday  oo ka mid ah Gobolka Cali sabiix halkaas oo lagu soo dhaweeyey Ciyaaro hide iyo dhaqana .

Wararka laga helayo deegaanka mille ee itoobiya oo uu ku suganyahay ogaaska iyo odayada gandaha ayaa sheegaya in lagaga dhawaaqay muddada rasmiga ee caleema-saarka ogaas mustafe. Bogga ogaasissa  oo xidhiidh kala duwan la sameeyay guddiyada  3da geesood ee itoobiya jabuuti iyo somaaliland ee ku hawlan caleema-saarka ogaaska  ayaa  xog uu ka helay odayada gandaha ee ku xeeraan ogaaska ay ku dhawaaqeen in muddada rasmiga ee caleema-saarka ogaas mustafe ay ku begantahay 1 - 7/march/10 oo la-siman caddada shan iyo tobanaadka bisha mawliid (rabiicul-awal) 3maalmood kadib mawlita nabiga.

Ogaaska,144ka oday ee gandaha iyo marti-sharafta-kale ee wehelinaysa ayaa socdaal dheer oo qaadanaya ku dhawaad 10 maalmood tallaabada hore ee dhaqaaqa mille kaga soo bixi doona 22/02/10 waxaanay soo mari doonaan dixaha caada-ahaan xeerka ku-dhigan ay-tahayna in la soo mariyo ogaaska kahor caleema-saarka

Xubno ka tirsan gudiyada isku duba ridka  Caleema saarka   ayaa Sabtidii  21/02/10 kormeer hawleed ku tagay gooba  dhaqameedyada laga sugaya Ogaaska ciisaha  ee Beya caday iyo Dhanaan oo hoos yimaada G/cali sabiix. Xubanaha oo ka koobnaa gudiyada  Warbaahinta ,Baratokoolka  iyo Lojistiga  ayaa Socdaalkooda ka bilaabay  Jabuuti waxana ay gaadheen goobdhaqameeka Beya caday oo ay ka socotay gabagabadii hawlaha soo dhawayntu. Dadka deegaanka ayaa  isku diyaarinayey soo dhawayntan Ogaaska iyaga oo halkaa ku diyaariyey  laba  Aqal oo dasooyina  looguna tala galay  Ogaaska .

Xeerku wuxuu ka kooban yahay shuruuc ay ummaduhu dejisteen si loo wanaajiyo xidhiidhada u dhexeeya shakhsiyaadka iyo qaramada, looga hor tego loona xalliyo colaadaha. Xeerka Ciisuhuna wuxuu ka dhashay baahidaa nuucaas ah.

Si ay u tilmaamaan qiimaha uu xeerku aadamaha u leeyahay, Ciisuhu waxay adeegsadaan maahmaahda odhanaysa «meel aan xeer lahayn waa lagu xooloobaa», taas oo macnaheedu yahay : waaxa qofku dadnimadiisa ku hantaa oo uu kaga duwan yahay xayawaanka waa shuruucda uu dejistay ee uu ku dhaqmo.

Waxa laga yaabaa in ay dad badani Aaminsan yihiin in Qabashada Ugaaska Ciise  tahay mid ku dhisan dhaqaale iyo Qabwayni , waxase Xaqiiqadu tahay in Ciisihu marka uu doono in Ugaas la Boqro Talaabada u horayse ee la qaadayi  tahay Alla bari si ugaaska la dooranayo Talladiisa loo dhiibo Alle, waana mid  soo Jirtay Tan iyo markii la boqray Ugaaskii u horeeyey ee ciisaha.

Waxana Caado u ahyad Ciisaha Marka uu alla baryayo Ugaas in ay waydiistaan alla in uu ka dhigo mid ku sugnaada  Caddaaladda  kana Caaggan Eexda.  Taas oo lagu dhisay Mabaadiida  ku xussan Xeerka Ciisaha ee  ku salaysan  u gargaaridda Dhibbanaha iyo xakamaynta Xadgudubyada.

Jidiin iyo Jiscinba ha innaga dhexeeyaan Jalku ha innaga dhexeeyo oo waa jidiinkaa wixii mara. Wahaa la magi ninkii la martigalinwaayo 12 halaad.

Ogaas Mustafe waxa laga dhaqaajiyay magaalada Mille gellin danbe maalintii salaasaad ee ay taariikhdu ahayd 1/12/2009, isaga oo ay wehelinayeen wefdi ballaadhan oo ka kooban duqaytidii Beesha Ciise oo uu hor kcayo Guddoomiyaha Golaha Gendaha; Xaaji Rooble Wacays. Waxa kale oo iyana Ogaaska wehelinayay tiro ballaadhan oo cilmibaadhayaal iyo saxafiyiin ah,kuwas oo u socday ururinta iyo diiwaangelinta dhaqanka Beesha Ciisaha eek u saabsan sida Ogaasyada loo qabto. Ujeeddada laga lahaa booqashadani waxa ay ahayd in Ogaaska loo hooyo reer ka mid ah reerihii dhaqanku ahaa in loo hooyo oo halkan ahaa Mamaasan Reer Wacays ah, kuwaas oo hadda ku sugnaa deegaankaa.